1. Radio-Polnia-Esperanto-redacio vizitis nian regionon

Certe vi scias, ke la Esperanto-redakcio de Radio Polonia regule kaj ĉiutage elsendadas abundan kaj tre interesan programon en Esperanto, nun du redaktoroj (tiuj estis Barbara Pietrzak kaj kolegino Gabi) decidis viziti la regionon Neubrandenburg por "kapti" intervjuojn de Esperanto-aktivuloj. La Esperanto-Societo Neubrandenburg preparis detalan programon por la tempo de 05a-08a de novembro, jen kelkaj punktoj:

• - Akcepto kaj intervjuo en la urbodomo, oficejo de la urba prezidanto (ĉefo de urba parlamento kaj respondeca pri internacia kunlaboro kun ĝemelaj urboj. Sinjorino Lipphold donis detalan supervidon pri la internaciaj rilatoj de personoj, societoj kaj organizoj el la urbo kaj la ĝemelaj urboj, precipe kun Koszalin/Pollando.
• - Vizito de la "Germana-Pola-Domo" kaj interparoloj kun la estrino Halina Wittwer, ŝi celas peri la polan kulturon, lingvon, rilatojn al germanoj kaj fondi en la urbo germanan-polan amikan rondon.
• - Parko de Paco/Eŭropo-Parko, ekde la 81a Germana Esperanto Kongreso Neubrandenburg nun posedas Esperanto-Kverkon, la urba administro subtenis tion kaj ekde nun prizorgos tiun monumenton.
• - Loka radio-stacio Radiotreff 88.0, kiu jam dum preskaŭ dek jaroj aktivas la redakcio "Ondo Esperanto", estis interesa por niaj polaj gastoj spekti niajn laborkondiĉojn kaj kompreneble nun ni intervjuis la gastojn.
• - Ekskurso, por ke niaj gastoj havu impreson pri nia regiono ni dum unu tago ekskursis en la regionon: vizito de etĝardena kolonio, en kiu foje okazas someraj festoj de la Esperanto-Societo Neubrandenburg, La burgo Stargard (en samnoma urbo), la plej malnova altaĵburgo en norda Germanio, kiu restis en orgina stato kaj la iaman granddukan residejon la urbo Neustrelitz. Apud la urbo kaj lago oni, dum la lastaj jaroj, konstruis kompletan slavan vilaĝon - ĉion laŭ arkelogiaj esploroj.
• - tagmanĝo kaj kafoklaĉo kun grupeto de ESN estis tre interesa programero, ĉar dum tiu tago okazis multaj intervjuoj. Inter la urboj Neubrandenburg kaj Koszalin ja surbaze de Esperanto ekde 1970 kontinuas la rilatoj, eĉ dum la militstato en Pollando.
• - La lastan tagon ni dediĉis al urbopromeno, la centro, niaj diversaj kvartaloj, urbomurego kun la remparoj kaj la katolika centro kun kirko.

Je 19a de novembo Radio Polonia komencis elsendi la rezultojn de tiu vizito - dankon, karaj polaj gastoj kaj ankaŭ estonte multe da sukceso en via laboro.

2. estraro de ESN kunvenis je la 10a de novembro

temoj estis:

• prijuĝo de la jaro 2004
• ĉefa aranĝo: la 81a GEK dum Pentekosto (160 partoprenintoj el 11 landoj,
• 27a SEFT (Somera Esperanto Familia/Feria Tendaro (89 partoprenintoj),
• 39a Semajnfina Esperanto-Seminario 8-13 partoprenintoj),
• por la jaro 2005:
  • oni fiksis la unuajn datojn de la kunveno de la societo,
  • pripensis, kiel aranĝi unupersonajn kursojn, prizorgado de retkursoj ktp,
  • publika laboro, informstandoj, Ondo Esperanto, diskutrondoj.