Antoni Beyga [mailto:tajpo@zg.onet.pl] Estimata amiko, ĉu vi jam voĉdonis?

Se ne, faru tion kiel eble plej rapide vizitante la hejmpaĝon: http://derstandard.at/2375931

Antaŭdankon, Amike Antoni,

PS: Mi estos dankema se Vi disvastigos tiun-ĉi informon inter Viajn gekonatulojn - ne nur geesperantistojn!

Dankon pro via informilo kiun mi refoje plusendis al niaj membroj. Cetere: ĉu vi jam legis nian informilon?

Eble interesas vin ke via bulteno estas menciita tie. Deziras belajn festotagojn kun amika saluto, Frank Merla

http://esperanto-urbo.de (multlingva)

Esperanto-instruado, biblioteko, muzeo je via servo:
Germana Esperanto-Centro/Interkultura Centro Herzberg
D-37412 Herzberg/Harz - la Esperanto-urbo
Grubenhagenstr. 6, Tel: +49/(0)5521-5983

http://www.herzberg.de
http://ic-herzberg.de (kun fotoalbumo)

Kiel aspektas Esperanto-urbo en tiu festa periodo?
Rigardu la belan foton pri la urbocentro (farita de Zsofia Korody)
kaj legu pri aktualaĵoj:
http://esperanto-urbo.de/blog.php

Mi invitas vin, legi utilajn informojn mia blogo http://esperanto-berlin.blog.de/

Ne hezitu ankaŭ viziti la blogon de mia kara amiko http://zamenhof.blog.de/, kiu de tempo al tempo raportas pri sia vivo. Roland Schnell

En la lasta kontribuo mi parolis, pardonu: skribis, pri identaj strukturoj de minimume du frazoj, kiu ripetatas, kun parta aŭ plena ŝanĝo de la vortmaterialo, ene de unu strofo aŭ ene de pluraj strofoj (IZOKOLONO, PARALELISMO).
Kaj nun mi prezentu al vi manieron de ripeto, kiu konsistas en duobla esprimo de la ideo aŭ fakto, nome per alivortigo de la sama penso. Oni diras kvazaŭ la samon, sed uzas alian bildon aŭ aldonas memkompreneblan kvalifikon. Tiu stilfiguro havas la nomon TAŬTOLOGIO (germane: Tautologie) kaj alcelas plireliefigon, pliprofundigon de la impreso, se la poeto agas konscie.

La rakonto pri la nigraj buboj
(Heinrich Hoffmann; trad. Rudolf Fischer)

Jen negro antaŭ l’urbo migras;
li karbe, peĉe, korve nigras.
Ĉar sur la cerb’ la suno ardis,
li sin per sun-ombrelo gardis.

Ĉu vi memoras la germanan tekston? Jen ĝi estas:

El Magdeburga Folio 107 (7), 2012, pagoj 12-13

En numero de la 31a de marto 2002, la renoma kalifornia gazeto “*Los Angeles Times*“ publikigis artikolon de la ĵurnalistino Barbara Demick
(EN <http://en.wikipedia.org/wiki/Barbara_Demick>, EO <http://epo.wikitrans.net/Barbara_Demick?eng=Barbara+Demick>, kiu estras nun ties oficejon en Pekino) laŭ kiu, por havigi lingvan avantaĝon al siaj infanoj en akiro de la angla lingvo, la koreaj gepatroj turnis sin al antaŭlerneja kaj speciala
edukado, kaj eĉ al kirurgia operacio. Aperis ke koreaj gepatroj pagis kirurgojn por operacii siajn infanojn je la lango. Aliaj devigis siajn sesmonatajn infanojn resti dum horoj antaŭ televidiloj por spekti videokasedojn por lernado de la angla. La obsedo de la gepatroj estis tia, ke unu el la tri ĉefaj gazetoj de Koreio, "*Dong-A*", agnoskis problemon : "/La angla estas faranta inferon el la infanaĝo/". Laŭ Jonathan Hills, kiu instruis la anglan ĉe nacia eduka televido : "/Lerni la anglan fariĝis nacia religio/". En artikolo aperinta en "*English Today*“ titolita “« English fever » in South Korea: its history and symptoms“ (Angla febro en Koreio : ĝia historio kaj simptomoj), profesoro Jun-Kyu Park uzis la vortojn "/linguistic surgery/“ (lingva kirurgio). La kirurgia operacio konsistas el entranĉo de la frenulo, t.e. la vertikala membrano, kiu troviĝas sub la lango.

La temo estis ankoraŭ pritraktita en aprilo 2004, ekzemple ĉe forumo :
Surgery for Kids Learning English in Korea <http://www.eupedia.com/forum/showthread.php?8094-Surgery-for-Kids-Learning-English-in-Korea>
(Kirurgio por lerni la anglan en Koreio)

Intertempe konfirmiĝis la problemo. Jena anglalingva demando aperis interrete la 24an de junio 2006 : "Korean children suffering from English language phobia? <http://www.stolenchildhood.net/entry/korean-children-suffering-from-english-language-phobia/>" Ĉu la koreaj infanoj suferas je anglalingva fobio ?). La originala fonto ne plu estas alirebla en la anglalingva versio de la gazeto "*Chosun llbo*", ankaŭ unu el la tri ĉefaj gazetoj de Koreio.

Ankoraŭ nun (vintro 2011) aperas, ke tiu kirurga metodo fariĝis modo, sed certe ne por ordinaraj koreaj civitanoj :
English Pronunciation and Korean Plastic Surgery <http://www.asianplasticsurgeryguide.com/news11-1/021101_pronunciation-korean-plastic-surgery.html>
(Angla prononcado kaj korea plastika kirurgio)

Temas pri vera frenezo pro frenulo... Koreanoj, certe nur malgranda minoritato el ili, volas simili al usonanoj kaj simie imiti ilin same kiel Michael Jackson volis aspekti laŭeble plej blanka. Neniu sin demandas, kion faras usonanoj per la tempo kaj mono ŝparitaj pro neneceso lerni kroman fremdan lingvon, kaj kial, en Eŭropo, la britaj geknaboj estas la lastaj, kiuj kapabliĝas en legado kaj skribado de la angla. Ĝi estas tiel malfacila por ili, ke asocio fondiĝis en 1908 por reformi ĝin : "The English Spelling Society <http://www.spellingsociety.org/>". Se Britio efektive gajnas multe da mono kaj influo per "vendo" de la angla, ĝi male perdas multe sur la socia tereno, kiu trafas la ordinarajn civitanojn. Sama problemo aperas en Usono. La angla estas malfacila ankaŭ por franclingvanoj, kvankam granda parto el ĝia vorttrezoro fontas el la franca pro preskaŭ tri jarcenta superrego de la normandoj super Britio (933-1204)
Ofte atribuita al Churchill (Ĉu prave aŭ malprave ? — Ĉu ekzistas preciza fonto kaj dato ?) estis la frazo : "/La angla estas lingvo facile malbone parolebla/", sed estas certe, ke skribis ĝin la fama litovdevena usona lingvisto Edward Sapir : "/La angla ne estas pli facile lernebla lingvo ol la ceteraj pro ĝiaj idiotismoj kaj tre multaj malregulaţoj spite al facila gramatiko. La angla estas probable « la plej facile malbone parolebla/ »//." ("*Linguistique*", traduko el la angla. 1968). La citiloj supozigas, ke li reprenis tiun citaĵon.

Ĝuste ĉi matene, la 1an de decembro 2011, la gazeto "*Le Monde*" publikigis depeŝon de la franca informagentejo *AFP*, laŭ kiu lingva incidento okazis dum ekflugo de aviadilo Airbus A320 sen permeso ĉe la flughaveno de Osaka-Kansai. La titolo akuzas la ĉinajn pilotojn pro malbona regado de la angla : "/Incident sur un vol Japon-Chine : l'anglais des pilotes chinois en cause/" (Incidento ĉe flugo Japanio-Ĉinio : la anglalingva nivelo de la ĉinaj pilotoj akuzita). La koncerna ĉina aerkompanio China Eastern engaĝiĝis "/por plibonigi la nivelon de komunikado en la angla/". Sed fakte pri tia problemo ne kulpas la ĉinaj pilotoj sed la angla lingvo mem, kiu estis trudita en 1951 sen internacia interkonsento kiel lingvo de aviado : 11% el la aerakcidentoj ĝis enketo publikigita en 1995 okazis pro malbona interkompreniĝo en la angla (laŭ "*Fatal words: Communication clashes and Aircraft crashes <http://press.uchicago.edu/ucp/books/book/chicago/F/bo3633901.html>*".
Steven Cushing, University of Chicago Press, 1994). Vd ankaŭ Misfunctional FAA phraseology <http://www.esperanto-sat.info/article351.html>, de Kent Jones. Tiun fakton sufiĉe bone ilustras penigaj interŝanĝoj okazintaj en 2007 inter ĉina piloto kaj la regkontrolejo de la novjorka flughaveno JFK (vidéo
Youtube <http://www.youtube.com/watch?v=jL_CMsBjT3Q>).

Antaŭ nelonge, grupo de 17-jaraj koreaj Esperanto-lernantoj kun du akompanantoj partoprenis en kursoj en la Esperanto-Urbo Herzberg am Harz, en Germanio. Ili apartenas al la LLG (Libera Lernejo por Gelernantoj), movado kontraŭ instrua terura premo en Sudkoreio en kiu Esperanto estas lernebla. Tiun restadon kunorganizis Germana Esperanto-Centro kaj Interkultura Centro Herzberg (GEC/ICH).